Í dag var landsleikur í rugby á milli Írlands og Englands. Ég horfði á hann með slatta af írum hérna í húsinu og það var rosaleg stemmning. Andrúmsloftið var spennuþrungið og blótsyrðin um breta flugu á milli. Sem betur fer unni Írar og mikil var gleðin! Mér skilst á landsleikir á milli íra og englendinga séu mest spennandi og þeir sem skipta mestu máli fyrir íra að vinna. Ekkert skrýtið þegar maður hugsar um söguna (as in history) frá árum áður...the great famine og allt það. Helv... bretarnir! Annars er ekki mikill rýgur á milli þessara þjóða hjá yngri kynslóðunum. Það er helst að maður heyri eldra fólk tala um bretana eins og þeir séu djöflar í mannsmynd...

Annar leikur var í dag sem ég horfði ekki á því ég fékk hótunar-sms alla leið frá Íslandi, frá honum Haffa! Liverpool-Chelsea voru að keppa í dag og ég veit ekki ennþá úrslitin í þeim leik, skilst að það sé framlenging í þessum skrifuðu orðum og staðan 1:1. Kannski ég ætti bara ekkert að vera að horfa á Liverpool leikina, þeim virðist ganga betur þegar ég læt það vera!

Jamm...þetta voru íþróttafréttir dagsins í boði Elínar! Það mætti halda að ég væri orðin einhver íþróttanörri en þetta er allt saman svo rótgróið í menninguna hérna að maður gjörsamlega sogast inn í þetta!

Er að fara að hjálpa Helen vinkonu minni og bekkjarsystur með dansinn sinn því hún þarf að sýna hann á morgun. Eins og allir vita er ég mjög góður choreographer...hahaha...og þess vegna er krafta minna óskað í nokkrum dansverkum hjá bekkjarfélugunum mínum! Ég hef enn viku til að klára minn dans, sýni ekki fyrr en 7. mars! Thank god!

Bless í bili,
ykkar Elín.

PS: Enn er msn í rugli og enginn virðist geta bent mér á lausnir...er alveg að verða klikkuð á þessu...

Ég er við það að missa vitið vegna MSN leysis. Það hefur ekki virkað hjá mér í næstum 2 vikur og fráhvarfseinkenni eru farin að gera verulega vart við sig. Ég fór og talaði við fólkið hérna í móttökunni hjá mér en þau vita ekki rassgat og gátu ekkert hjálpað mér. Einhver benti mér á að downloada msn-inu aftur, ég gerði það... en nei nei ekkert virkar. Ef einhver þarna úti getur aðstoðað mig er það vel þegið.... Dóri bróðir? Einhverjar hugmyndir?

Annars er allt bara frekar fínt og flott þessa dagana. Mikið um leikhúsferðir og svona gaman. Er samt eitthvað með pínu heimþrá, örugglega að því ég hitti alla lúllanna um síðustu helgi! Mikið var það gaman! Svo er þetta MSN mál ekki að hjálpa...

Föstudagskvöld og við Zach (áður þekktur sem Sæti) sátum inni í eldhúsi og lærðum. Við þurfum að skila af okkur vinnubókum í dansi í næstu viku. Það sem við hefðum átt að gera er að skrifa í þær samviskulega jafnóðum og við unnum verkin, en maður lærir víst seint af mistökunum (eða jafnvel aldrei!) og þess vegna erum við flest í bekknum í rassgati með bækurnar okkar núna að reyna að bulla eitthvað um allt sem við höfum gert síðan í september..hahaha..þetta er nú meira ruglið! Gekk ekki betur en svo að eftir um 2 klukkustunda vinnu ákváðum við að slá þessu upp í kæruleysi og fara í partý til einnar sem er í doktorsnámi hérna. Við þekkjum hana lítið sem ekkert, en hún var búin að bjóða okkur fyrr í vikunni. Þegar við mættum á svæðið voru allir klæddir upp eins og sjóræningjar! Ég gleymdi því smáatriði sem hún minntist á þegar hún bauð okkur. Annars var þetta hið mesta rólegheitar partý. Frekar alþjóðlegt, frakkar, þjóðverjar, írar, bandaríkjamaður og íslendingur. En við kunnum ekki nógu vel við okkur þar sem við þekktum engan og stemmningin var eitthvað spes þannig að við létum okkur hverfa eftir klukkutíma! Og hér er ég að blogga! Svolítið sad!

Á morgun er eitthvað svaka Brecht dæmi í Project leikhúsinu. Við í bekknum förum fyrst á einhverjar umræður og svo á leiksýningu eftir á. Það verður vonandi gaman. En vegna þessa getur Bibs ekki komið um helgina og það er ömó því við erum bæði með cold turkey að því við erum búin að vera að eyða svo miklum tíma saman undanfarið! En hann er að vinna á mánudaginn og alla næstu viku. Ég ætla sennilega að fara til New Bridge um næstu helgi...vonandi bara á fimmtudaginn...

Jæja, nóg í bili

munið MSN-vandamálið ef þið hafið einhverjar hugmyndir...

E.

Já já, kom frá London í gærkvöldi og var í skólanum í allan dag og leikhúsi í kvöld svo enginn tími hefur gefist fyrir blogg þartil núna!

Ferðin var algjör snilld í einu orði sagt! Við vorum mætt á flugvöllinn í Dublin um hádegi á laugardag og ég var uber hyper einhverra hluta vegna (ósofin og vitlaus!) en Bibs hinn rólegasti. Flugið til London gekk vel, lítið var um hristing og önnur leiðindi en því miður sátum við ekki við glugga því við vorum svo sein að koma okkur út í vélina (hjá Ryanair velja farþegar sér sæti þegar þeir koma um borð). Ég var í því að spyrja Bibs hvernig honum liði og hvort hann væri stressaður, en hann var pollrólegur og ekki á honum að sjá að þetta væri hans fyrsta flug! En ég sá þó votta fyrir spennusvip í munnvikunum í flugtaki og lendingu...

Þegar við vorum búin að koma okkur fyrir á hostelinu í Earls Court fórum við "heim til" Jóns Þórs, Gumma og Kristjáns Freys, eða þangað sem þeir gistu í 15. hæða háhýsi í Putney Bridge sem líkja má við höll. London celeb úr vinahópi Jóns Þórs á íbúð þarna á 12. hæð með útsýni yfir megnið af borginni og ánna Thames. Þetta var visst menningarsjokk fyrir mig en algjört menningarsjokk fyrir Bibs sem hafði aldrei á ævinni séð svona byggingu hvað þá farið inn í hana. Þarna eyddum við kvöldinu með strákunum og Heló og Bibs var vel tekið! Aðallega var Valdi duglegur að tala við hann, svo mikið á stundum að enginn annar komst að..hahaha... En ég fékk að heyra það margoft í ferðinni hvað ég ætti frábæra vini (frá Bibs) og frábæran kærasta (frá hinum!) svo að ég get ekki verið annað en ánægð!

Á sunnudeginum vöknuðum við seint. Fórum samt á Tate Modern safnið og röltum um í rosalegum kulda og snjókomu á köflum. Um kvöldið höfðum við það kósý heima á hostelinu og nenntum ekki neinu!

Mánudagurinn var tekinn í bæjarrölt. Aðallega var þó farið í hljóðfærabúðir en afar fáar fatabúðir (sem betur fer er ég að fara aftur til London í mars og þá bara með stelpum....fatabúðirnar bíða þangað til þá!!). Um kvöldið voru síðan tónleikarnir sem við öll biðum eftir með eftirvæntingu! Reykjavík steig á stokk á sviði Marquee á Leicester Square kl. hálf tíu....og þvílíkir tónleikar! Þeir hafa oft verið góðir en þarna voru þeir frábærir Ég var afar stolt að geta knúsað þá alla sveitta og sæta eftir giggið og fólk virtist vera að fíla þá mjög vel. Staðurinn var alveg kjörinn fyrir tónleika eins og þessa. Drukkið var óhóflega mikið magn af bjór og að lokum ultum við inn í taxa sem skilaði okkur heim á hostel...

....eins og allir vita sem hafa verið á hosteli eða hóteli þarf maður að tékka sig út á ákveðnum tíma. Og yfirleitt er sá tími fáránlega snemma fyrir fólk eins og mig. Á þriðjudagsmorgninum áttum við að tékka okkur út klukkan 11. Það var klukkan hálf eitt sem Elín og Frank Butler komu sér niður til að tékka sig út með stírurnar í augunum. Sem betur fer var gaurinn í lobbýinu frekar líbó og lét okkur ekki borga aðra nótt! Við eyddum klukkutíma á kaffihúsi og fórum svo út á flugvöll þar sem förinni var heitið aftur heim til Dublin. Myndir frá ferðinni er hægt að sjá á myndasíðunni undir heitinu "London"....verð að fara að læra að gera linka...nenni því bara ekki!!!

Segi þetta gott í bili, verð að fara að sofa....

góða nótt,

E.

PS: Sá Liverpool vinna leik í gærkvöldi, Leverkusen frá Þýskalandi 3:1 minnir mig... það afsannar kenninguna mína síðan um daginn. Reyndar horfði ég bara á hann með öðru auganu og var að læra með hinu en Bibs horfði að sjálfsögðu fullur eftirvæntingar!!

Fór í leikhús í gær, fyrsta leikhúsferðin eftir jól og kominn tími til! Þetta var alveg virkilega hressandi sýning í Abbey, gamalt írskt leikrit, melódrama eins og það gerist best! Leikritið heitir Shaughraun  og er eftir Dion Boucicault. Er um írska sveitastúlku sem verður ástfangin af enskum liðsforingja sem handtekur bróður hennar, og vin þeirra, Shaughraun, sem hjálpar honum að sleppa úr fangelsinu... Írsk tónlist og dansar út í gegn, mikið stuð og sjúklega flott sviðsmynd og búningar. Ohhh ég er alveg sjúk í að leika í svona leikriti...!!! Það er ekki til meira stuð en írsk tónlist og river dansar...í alvöru!!!

Eftir sýninguna fórum við á pöbb í næstu götu. Marie, casting director í Abbey og bekkjarsystir mín, var með í för, og því var rosalega gaman að allt castið úr sýningunni kom á pöbbinn og við gátum spjallað við þau. Ein þeirra minnti mig rosalega á vinkonu mína Þóru Karítas þegar ég sá hana á sviði (þessi í græna kjólnum) og hún minnti mig enn meira á hana þegar hún kom á pöbbinn. Sami stíll yfir þeim. Það fyndna var að hún kom að tala við mig og sagðist viss um að við höfum hisst áður, hún kannaðist svo við mig. Ég hugsaði mig um í nokkrar sekúndur og var að pæla hvort það gæti verið að hún væri Þóra... en nei, hún sagðist heita Fiona. Fríkað sko! Þau vildu endilega fá okkur með í karókí en Marie vildi fara heim og ég við Conor kunnum eiginlega ekki við að fara með bláókunnugu fólki í karókí, þrátt fyrir að ég er viss um að ég hefði heillað þau upp úr skónum með minni blíðfögru röddu...hahahaha...

Annars er ég nú bara að gera mig til fyrir London, þvo föt og leita að passanum mínum! Bibs kemur á eftir og kvöldið fer sennilega í að róa hann fyrir flugferðina... Sögur frá London munu birtast á síðunni eftir helgi, en þangað til bið ég ykkur vel að lifa og ganga hægt um gleðinnar dyr!

Love u,

E.

Já mér er mikið létt þar sem ég var með fyrirlesturinn um franska kóreógraferinn í morgun og gekk bara ágætlega. Var samt pínu lost í spurningaflóðinu sem fylgdi á eftir en þannig er það nú oftast! Heilinn heldur að hann sé búin að vinna þegar fyrirlestrinum er lokið og setur á pásu...veit ekki hvort ég er ein um þetta, vona að einhverjir aðrir kannist við þetta?? Einhver? Nei annars var þetta ekki svo slæmt, ég náði að bulla mig út úr þessu flestu. Enda er þetta óttalegt bull þessi Performance Art, er það ekki? En eitthvað skemmtilegt við það samt.

Þið munið eftir myndatökunni sem ég talaði um um daginn? Hér sjáiði afraksturinn:

Sko ef þið horfið á tölustafinn "1" þá ættuð þið að sjá mig rétt fyrir ofan miðju...hahahaha... en til að gera ykkur þetta auðveldara er hérna slóð á myndina í full screen: http://www.ucd.ie/150/pics/news/screen150-big.jpg (verst að ég kann ekkert að gera svona flottan link úr þessu, þannig að ég birti bara alla slóðina..frekar glatað, ég veit!). Þið komist ekki hjá því að sjá mig á stóru myndinni, ég er í gallapilsi og nr. 5 í röðinni ofanfrá í tölustafnum "einum". Já, en hvað um það, nóg um mig! Hvernig hafið þið það?

Nú þegar maður er orðin fræg ljósmyndafyrirsæta í Dublin þá hlaðast inn tækifærin. Mér hefur m.a. boðist að leika í auglýsingum, írskri sápu og vera nýtt andlit vissrar kartöflutegundar. Það er erfitt að velja og hafna, sérstaklega þegar maður er Vog eins og ég, en maður verður að gera það í þessum bransa. Ég held að ég velji kartöfludæmið, held að möguleikarnir séu bestir þar því það á sennilega að selja kartöflurnar á erlendan markað og því aldrei að vita nema fleiri tækifæri bíði handan við hornið...

Já einmitt. Ég veit ekki, ég er rosa spennt fyrir London, en eitthvað pínu stressuð líka! Finnst eitthvað voða skrýtið við tilhugsunina um að blanda mínum tveimur lífum saman, hinu írska lífi með Bibs og hinu íslenska með strákunum mínum! Veit ekki hvað það er, kannski er ég bara klikk..sennilega! Vona bara að það verði gaman, efast reyndar ekki um það....

Þetta eru hugrenningar mínar í dag. Léttir, tilhlökkun, spenningur, pínu kvíði og smá áhyggjur (annað væri nú óeðliegt í mínu tilviki!), en aðallega bara hamingja!

Bless í bili,

E.

Var að koma frá Newbridge og klukkan að ganga miðnætti. Helgin var góð en leið allt of fljótt. Tíminn líður bara almennt allt of fljótt ef út í það er farið! Þessvegna er um að gera að reyna að njóta augnabliksins og að taka lífinu ekki of hátíðlega. Ekki satt mín kæru?

Fannst ég bara verða aðeins að blogga þar sem ég vil halda mínum dygga lesendahóp við efnið. Var ekkert búin að blogga síðan á fimmtudag og sunnudagur í dag, ekki nógu gott! Var að lesa um Þorrablót Valda og Immu á blogginu hennar Kiddýar. Vá hvað þetta hlýtur að hafa verið gaman...ótrúlega skemmtilegt hvað mikið er lagt í skemmtiatriðin, ohhh ég á svo hæfileikaríka og yndislega vini. Fékk pínu heimþráarkast þegar ég las um þetta en fattaði svo að ég er að fara að hitta strákana um næstu helgi...ohhhh það verður geggjað! Bibs er orðinn sjúklega spenntur og ég get ekki beðið eftir að fara með honum í flugvélina og sjá hvernig hann verður...!!!

Að lokum, tvær myndir síðan um helgina...

Ekki alveg nógu góð af mér samt, en eitthvað svo krúttleg! Glöggir lesendur taka kannski eftir því að Bibs er í Liverpool treyju og by the way, Liverpool tapar öllum leikjum sem ég horfi á svo planið er að horfa ekki á næsta leik til að sjá hvort þeir vinni. Ekki það að ég sé alltaf að horfa á fótbolta, en það er ótrúlegt hvað maður sekkur í stemmninguna hérna og ég get sagt ykkur að það er ekki gaman þegar Liverpool tapar...hahahaha!!!!

Hahahaha...bara varð að láta hana fljóta með...myndin er tekin í morgun og ég er sjúklega mygluð og þunn! Gott að geta gert grín að sjálfum sér...

En nú verð ég að fara að sofa...dans í fyrramálið og ég bara rétt búin að semja byrjunina!

Góða nótt og munið að lífið er oftast nær gott, tíminn líður hratt og augnablikið er stutt! Voðalega háfleygt svona í lokin, síðan heitir nú einu sinni "Speki Elínar".

E.

Ég er svo hamingjusöm! Það eru svo skemmtilegir og hressandi tímar framundan. Fer til London eftir rúma viku, eins og margt oft hefur komið fram, að hitta Reykjavík og kynna Bibs. Þann 9. mars kemur Eva mín og verður til 15. Þann 17. mars fer ég aftur til London, í þetta skiptið með bekknum mínum! Í apríl stefnir dísin hún Þóra á Dyflinarferð og nýjustu gleðifréttirnar og bara til að toppa næstu vikur og mánuði: snillingarnir mínir úr Frosta, Gísli, Haffi, Eva, Jón Yngvi og Gummi, eru búin að panta far til Dublin í lok mars!!! Úúúúú ég er að springa úr gleði!!!

Hér má sjá hluta af Dublinarförunum í góðu geimi í Borgarfirðinum...ahhh snilld!

Auðvitað er allt brjálað að gera í skólanum líka, en ég byrja akkurat í 3ja vikna fríi daginn sem Eva kemur, mjög hentugt. Skólinn byrjar svo aftur þegar Frostalingarnir fara. Snilld! Þangað til verð ég að vera dugleg, allt á fullu. Er meðal annars um þessar mundir að semja dansverk! Það er jafn fyndið og það hljómar! En mjög gaman. Mig langar reyndar bara að dansa ballet eftir að hafa horft á óhemju mikið magn af balletvideoum undanfarið. Auk þess held ég að ég sé með meðfædda hæfileika til að dansa ballet, er svo létt á mér og liðug eitthvað. Reyndar er ég örugglega bara sjúklega góður dansari í hvaða dansgrein sem er, hvort sem við erum að tala um nútímadans eða klassískan ballet. Verkið mitt verður samt meira í anda nútímadanss. Notast við ljóð eftir Nínu Björk Árnadóttur sem heitir "Birtan er of skær fyrir dimmufuglinn" til að búa til dansinn. Reyni að mynda þetta á video til að geta sýnt ykkur árangurinn...hahahahaha...

Er með fyrirlestur á miðvikudaginn um franskan kóreógrafer sem heitir Jerome Bel. Horfði á eitt af verkunum hans á video í gær. Allsbert fólk að krota með varalit á líkama sína. Verkið endaði með því að þau pissuðu á gólfið og notuðu hlandið til að þurrka af krot sem þau höfðu áður skrifað á vegg. Þetta kallast Performance Art og er rosalega mikil list. Í alvöru. Við erum að tala um að fólk heldur ekki vatni (né hlandi, ef út í það er farið) yfir þessu, þvílík snilld sem þetta er. Stundum er ég alveg utangátta í þessum listaheimi og skil hvorki upp né niður. Held samt að ég sé alveg ágætlega listó! Það verður forvitnilegt að sjá hvernig fyrirlesturinn verður...

Þetta er snillingurinn Jerome Bel!

Ætla til New Bridge á laugardaginn og verð fram á sunnudag. Get ekki farið fyrr því það er kreisý að gera. Auk þess er Bibs að vinna mikið þessa dagana til að hafa efni á að borga allt fyrir mig í London...hahaha, nei djók!

Góða nótt í bili,

ykkar ánægða Elín.

Jæja já! Mér sýnist við Dóri bróðir verða að taka áskoruninni og reyna að komast sem fulltrúar Íslands í Eurovision á næsta ári! Ekki annað hægt þegar svona margir þrá það Þetta er meira að segja orðið að umfjöllunarefni á vefmiðlum ýmiskonar, til dæmis á nýjasta og ferskasta bloggi þessa dagana: Kiddýarbloggi (sjá tengil). Dóri minn, farðu að byrja að semja slagarann!

Í gær fórum við Louise í myndatöku vegna 150 ára afmælis skólans. Ég fékk bréf fyrir um mánuði þar sem ég var spurð hvort ég hefði áhuga á að taka þátt í "photoshoot and reception" þar sem ég er international student og það er verið að fagna afmæli skólans. Mér var boðið að taka vin með mér svo við Louise ákváðum að skella okkur. Klukkan hálf sex vorum við, uppáklæddar í pils og háhælaða skó, staddar í leikfimisal ásamt fjöldanum öllum af alþjóða nemendum sem flestir voru að koma beint úr skólanum og ekkert fínir í tauinu! Við þurftum að standa í sömu sporunum í 45 mín. að því það var verið að búa til töluna 150 úr öllum sem voru viðstaddir. Louise var ekki skemmt og sá mikið eftir að koma því við héldum að þetta væri svona fínt kokteilboð með ljósmyndara sem tæki myndir af gestunum að drekka vín. Að klukkustund lokinni var athöfnin færð yfir í annan og viðkunnalegri sal þar sem vín og pinnamatur var á boðstólnum. Þar var líka spiluð lifandi írsk tónlist og var bara voða fín stemmning. Ég minglaði meðal annars við lítinn mann frá Víetnam. Við höfðum samt ekki mikið að tala um svo ég svona lét mig hverfa úr hans augsýn ansi fimlega! Slóvanskur nörd, og ég er að tala um nörd eins og maður sér í bíómyndum, reyndi við mig og nice, but not hot, þjóðverji með skalla reyndi líka við mig. Veit ekki alveg hvað það er, en svona gaurar virðast heillast að mér. Ekki að ég sé að kvarta sko, væri samt alveg gaman ef svölu gaurarnir myndu reyna við mig annað slagið! Gott að Bibs skilur ekki íslensku...hahaha...ég að röfla um að ég vilji láta reyna við mig! Hann er samt svalur, minnir að ég hafi reynt við hann en ekki öfugt..ekki satt Hulda??

Minna en 2 vikur í London! Hlakka svo til að hitta gauarana mína alla og Þóru litlu K. Hlakka líka til að kynna Bibs fyrir vinum mínum og öfugt. Vona að það verði stuð og gaman! Var að bóka far til London í mars líka, bekkurinn er að fara í leikhúsferð. Er pínu spæld að við förum ekki til Parísar því ég hef aldrei komið þangað, en svona er það nú, fer bara þangað einhverntíman seinna.

Fyndið með skoðanakönunnina, Máttur söngleikja var sko algjörlega grín, eins spurningin um Ísland sem land tækifæranna. Í rauninni eru bara tveir alvöru valmöguleikar, og það eru einu valmöguleikarnir sem hafa ekki fengið eitt atkvæði! Hahahaha....hljómar ekki nógu vel fyrir mig Verð að fara að finna eitthvað út úr þessu sem fyrst...

Bless í bili,

ykkar Elín.

Í staðinn fyrir að sitja sveitt yfir verkefninu sem ég á að skila á morgun hef ég legið upp í rúmi og horft á sjónvarpið meira og minna í allan dag! Þetta er það sem Bibs óttaðist þegar hann lánaði mér sjónvarpið, en ég er alltaf mjög sannfærandi þegar hann spyr mig hvort það trufli lærdóminn og segi "Neihei, síður en svo". Segi það nú ekki alveg, hef gripið í tölvuna við og við, skrifað 30 orð í einu, kíkt á msn og aftur að sjónvarpinu. Verslaði reyndar í matinn, þvoði tvær vélar og eldaði mér pasta! Eins og sönnum húsmæðrum sæmir! Nú að ganga 9 hef ég beislað mig niður við skrifborðið, slökkt á sjónvarpinu og stend ekki upp fyrr en verkefninu er lokið... Þess vegna er ég að blogga núna...hahaha...að því ég get ekki staðið upp og horft á sjónvarpið...verð að gera eitthvað annað en þetta fokkans verkefni! Gengur hægt og bítandi.

En já, ástæðan fyrir því að mér fannst ég þurfa að blogga er sú að í sjónvarpsglápi mínu sá ég alveg ótrúlega fyndna version af Idolinu. Hið írksa Idol heitir "You are a star" og sá sem vinnur keppir fyrir hönd Írlands í Eurovision. Í dag eru 7 keppendur, eða lið, eftir, hvert öðru hallærislegra...hahahaha! Ég lá í "Bakergroove hrolli" fyrir þá sem muna eftir þeim þáttum... Það er svona þegar maður sér eitthvað ógeðslega hallærislegt og fær aumingjahroll. Nema hvað, þarna var meðal annars svona stelpugrúbba, fjórar stelpur með gítara og hvað eina, ógó halló þegar þær sungu Beach Boys. Systkini, rauðhærð, ekta írsk, sem sungu My Girl... guð ég vona að við Dóri bróðir séum ekki svona hallærisleg...grunar reyndar að það geti verið þegar ég hugsa til kveðjupartýsins míns...úúffff....annar "Bakergroove hrollur" í aðsigi!!!!  Hahahahaha.... Annars hlakka ég til að sjá hver dettur út í kvöld, verð því að kveikja aftur á sjónvarpinu eftir hálftíma..hmmm....

Búin að láta nýja skoðanakönnun og vona að þið svarið henni samviskusamlega. Er í vandræðum með að velja efni fyrir mastersritgerðina.

Jæja....verð að læra.....

KNÚS,

E.

Náttúrudagurinn í gær var mjög góður. Við, Louise og Jesse, eyddum um 4 tímum í Glendalough, gengum um svæðið og spiluðum baseball. Það er mjög fallegt þarna og áhrifamikið einhvernvegin. Maður á auðvelt með að ímynda sér munkana þarna í gamla daga, haldast í hendur og sprangandi um á nærbuxunum... haha..nei ekki alveg kannski, en stemmningin er góð og staðurinn hefur róandi áhrif. Þarna er mikið fuglalíf en eins þrífast annarskonar skepnur þarna, til að mynda sáum við pönkararollur, með bláar doppur á bakinu og ég stóðst ekki mátið að taka mynd af þeim!

Eftir útivistina héldum við heim til Louise, elduðum góðan mat, drukkum gott vín og spiluðum Scrable. Já, á ensku. Gekk bara nokkuð vel og þetta var ágætis æfing!

Tók nokkrar myndir en Louise tók fleiri svo þær birtast á myndasíðunni næstu daga. Annars var ég að láta fleiri myndir síðan í partýinu áður en ég fór út aftur um jólin, endilega tékkið á ruglinu undir möppunni "síðustu jól"! Frekar skondnar myndir!

Nú verð ég að byrja á verkefni fyrir mánudag. Veðrið er bara svo mikil snilld í dag, sól og stilla, alveg ekta svona páskaveður...þið vitið? Maður getur varla verið inni... Talandi um páskana, mig langar svo að vera á Ísafirði þá, en maður getur ekki verið allsstaðar. Ísafjörður er staðurinn til að vera á yfir páska, það er bara svo einfalt. Sérstaklega núna þar sem "Aldrei fór ég suður" er komið til að vera! Kúl!

Að lokum ; til hamingju með litla kútinn elsku Rúna mín og Öddi. Get ekki beðið eftir að sjá hann með berum augum, hann er algjört yndi á mynd (i) unum!! Haha rímar. Knús til ykkar litla fjölskylda.

Bless í bili,

E.

Úfff... síðustu dagar hafa verið bissý. Skólinn tekur á, verkefni hlaðast inn sem og allskyns skemmtilegar uppákomur, leikhúsferðir, fyrirlestrar ofl ofl.

Fór samt í bæjarferð í gærdag og keypti mér allsvakalega svöl kúrekastígvél, brún að lit. Vappaði um bæinn og dúllaði mér, mikið var það gaman...hehehe...

Á föstudaginn ætlum við Louise og Jesse að fara til Glendalough sem er svona gamall helgur munkastaður í Wicklow sýsly, mikill túristastaður reyndar, en ég hef aldrei komið þangað og það ku vera ótrúlega fallegt. Fjöll og vatn og svona. Get ekki beðið eftir að komast út í nátturuna, ég er jú svo mikið náttúrubarn! Svo ætlum við að borða heima hjá Louise og gista, koma svo heim á laugardag. Þá hef ég laugardag og sunnudag til að skrifa verkefni sem ég þarf að skila á mánudag. Svo þarf ég að fara að byrja á næsta fyrirlestri sem er um einhvern franskan kóreógrafer sem ég veit ekkert um, spennandi... nenni þessu varla samt! Langar bara að hafa gaman! Það sem er mest stressandi núna er að ég þarf að fara að ákveða efni fyrir mastersritgerðina. Er með nokkrar hugmyndir en get ekki ákveðið mig. Ljóstra þessu upp bráðlega. Þetta verður vonandi snilld..haha!

Eva yndi kemur í heimsókn til mín í mars og það verður svoooo gaman. Þóra Margrét lúlla kemur í apríl og það verður ekki síður gaman! Vona að Frostalið sé ekki að koksa á Dublinarferð, þið eigið ekki eftir að sjá eftir því að koma elskurnar! Hugsið bara: Temple Bar, írsk lifandi tónlist, flottar búðir, Guinnes og umfram allt; lellan ykkar í öllu sínu veldi!!! Engin afsökun fyrir að koma ekki... hana nú!

Dublin að næturlagi...rómó og fallegt!!

Nóg í bili,

E. xxx